Қазақстанның әйелдер құрамасы көгалдағы хоккейден үстіміздегі жылғы тамыз айында өтетін жазғы Азия ойындарына жолдама ұтып алды, деп хабарлайды ҚазАқпарат ҚР Ұлттық Олимпиада комитетіне сілтеме жасап. 
Индонезияда өтетін жазғы Азия ойындарында Қазақстан намысын 15 спортшы қорғайтын болады. 
Қазақстан құрамасы Азия ойындарының жолдамасын алу үшін Таиландтың Бангкок қаласында Қытайлық Тайпей, Гонконг, Сингапур, Пәкістан, Индонезия және Таиланд командаларымен күш сынасты. Онда өз тобында төртінші орынды алып, жазғы Азия ойындарына қатысу құқығын жеңіп алды. 
Іріктеу барысында қазақстандық хоккейші қыздар Пәкістан, Индонезия және Таиланд құрамаларын ойсырата жеңді. Алайда, Сингапур мен Гонконгқа есе жіберіп, Қытайлық Тайпеймен тең түсті.