Ауыл жігіттері жеңіс тұғырында!

Өткен аптада Шиелі ауданында шағын-футболдан "Кубок ЛЛФ 2024" турнирі өтті. Аталған жарысқа Әбдіманап Байгенжеев бастаған Төменарық ауыл жігіттерінен құралған "Төменарық" командасы қатысып, чемпион атанды.

Жалпы Жаңақорған ауданы футбол, оның ішінде шағын футболдан Сыр өңірінде көші ілгері. Бұған дәлел өте көп. Міне, соның бірі бүгінгі бәсеке. Байрақты бәсекенің бас жүлдесін қанжығалап, шағын-футболдан Қазақстан чемпионатына жолдама иеленіп, ауыл тарихында бұрын-соңды болмаған жетістікке жеткен жігіттерге көпшілік алғыс айтып, мақтан тұтуда. Аладоптан өтетін алдағы Қазақстан чемпионатына сәттілік тілейміз.