Димаш жаңа қызметте
Қазақстан бокс федерациясынан сүйінші жаңалық жетті. Төрешілер алқасына жаңа төраға тағайындалды. Қайрат Жұманқұловтың орнына Жаңақорған ауданының №7 спорт мектебіміздің бокс бөлімінің жаттықтырушысы Абайхан Дінмұхамед Абайханұлы келді.Дінмұхамед Абайханұлы 2012 жылдан бастап бокстан төрешілік жасап келеді. 2023 жылдан бастап Халықаралық дәрежедегі ІВА 2* төрешілерінің қатарында. Ол бұған дейін халықаралық турнирлер мен кәсіби бокс кештерінде төрелік жасады. Жерлесімізді жаңа қызметімен шын жүректен құттықтаймыз! Айта кетейік, ол аудан спортынан алыстамайды. Сондықтан бұдан да биіктерден көріне беруіне тілектеспіз.
Бұл ауданның ғана емес, Сыр елі үшін де үлкен мақтаныш. Алға, Димаш!
