Қол добынан облыс біріншілігі

Бүгін Жаңақорған кенті, Ақсарай дене шынықтыру спорт кешенінде қол добынан әйелдер командалары арасындағы ҚР гандбол Федерациясының Кубогына арналған облыстық жарыс басталды. Жарысқа облысымыздың қала, аудандарынан 8 команда қатысуда. Жарыстың ашылу салтанатында ҚР гандбол федерациясының вице-президенті Ким Вячеслав Чан Себович пен аудандық мәдениет және спорт бөлімінің сектор меңгерушісі Махмут Рахымжанов жарысқа қатысушыларға сәттілік тілеп, жеңіске деген жігер танытып биік тұғырдан көрінсін деген ақ ниеттерін білдірді.
Айта кетсек, жерлестеріміз ҚР Ұлттық құрама командасының мүшесі, Халықаралық дәрежедегі спорт шебері Сейтқасым Жанерке, ҚР-ның спорт шеберлері Шермағанбетова Нағима, Махмуд Гүлжайна Жаңақорған "Сығанақ" құрама командасының намысын қорғайтын болады.

Спорт сүйер қауым! Жерлестерімізге сәттілік тілеп,аудан құрама командасының ойыншыларына қолдау білдірейік. Келіңіздер көріңіздер, жанашыр болыңыздар!