Сыр елінің еркін күрес балуандарының көшін бастап жүретін Қанат Мұсабеков биылғы жылды жақсы нәтижемен түйіндеді. Қарағанды қаласында өткен Кеңес Одағының батыры Нүркен Әбдіровты еске алуға арналған грек-рим және еркін күресінен республикалық турнирде ол қоламен қуантты. Иә, турнир демесеңіз, елдің кіл мықты балуандарының басын қосқан додада Сыр елінің балуандары да барын салды.
– Биылғы нәтижелер көңіл қуанта қоймады. Алла жазса келер жылға дайындық осы бастан басталды. Мақсатым алдымен ел чемпионы атану, одан кейін Азия чемпионаты бар, одан кейін Олимпиадаға жолдама алатын турнирлер бар, Әлем чемпионаты да күтіп тұр. Сондықтан бар күш-жігерімді салуға тырысамын. Өйткені менің де спорттық мансабым аяқталуға жақын. Әзірге бойымда қуат барда арман-мақсатыма жетуге тырысамын. Қалғанын уақыт көрсетер деді, – деді балуанымыз. Иә, Қанат қазір Сыр елінің еркін күрес балуандарының тізімінде көш басынды. Біз Қанат және Азамат Шағапұлыдан сүйіншілейтін жаңалық күтеміз. Алла жар болсын дейміз.