Жапонияның Окинава аралында каратэ спортынан жастар арасындағы Азия чемпионаты өтті, деп хабарлайды ҚазАқпарат тілшісі. 

68 келі салмақта атыраулық спортшы Батырғали Әбілмансұр қарсылас шақ келтірмей, чемпион атанды. Жерлесіміздің салмағында 20 каратэші болды. Төрт кездесуінде де ол жеңіске жетті. 

Әбілмансұр жасөспірімдер арасындағы Әлем кубогының иегері болып табылады. Қазіргі таңда «Қайсар» спорт клубында жаттығады.