"ҮСТІМНЕН ПОЙЫЗ ЖҮРІП ӨТКЕНДЕЙ БОЛДЫ"

 Америкалық боксшы Мартиросян Головкинді осылай бағалады. Ванес Мартиросян (36-4-1, 21 KO) қазақстандық Геннадий Головкиннен (38-0-1, 34 КО), екінші раундта нокаутпен жеңілгеннен кейін отандасымыздың соққы күші қандай екенін айтып берді, - деп хабарлайды Vesti.kz тілшісі. 

"Пойыз астында қалғандай болдым. Бір ғана емес, барлық соққысы сондай болды. Бұған дейін мені ешкім бұлай қатты ұрмаған. Головкин - сұмдық панчер. Әрбір соққысы дәл әрі мығым болды. Головкин соққысының күшімен таңғалдырды. "Канелоның" әлгі етті не үшін жегенін түсіндім", - деді Мартиросян жекпе-жектен кейін. 

Америкалық карьерасында алғаш рет уақытынан бұрын жеңіліп отыр. Жеңілістерінің жалпы саны - 4. Бұған дейін Мартиросян үш мәрте төрешілердің шешімімен қарсыласқа есе жіберген еді.