МӘНЕРЛЕП СЫРҒАНАУДАН РЕСПУБЛИКАЛЫҚ ТУРНИР БАСТАЛДЫ

7-11 сәуір аралығында «Мұз айдыны» спорт кешенінде мәнерлеп сырғанаудан Элизабет Тұрсынбаеваның жүлдесіне арналған республикалық турнир болып өтеді.



Турнирдың бүгінгі салтанатты ашылу рәсімін қала әкімі Асылбек Шәменов жүргізді. Сонымен бірге, Қазақстан Республикасының Еңбек сіңірген спорт шебері Элизабет Тұрсынбаева сөз алып, барша қатысушыларға сәттілік тіледі.

Сондай-ақ қонақтар қатарынан облыстық дене шынықтыру және спорт басқармасының басшысы Асылжан Жаманқұл, облыстық коньки тебу федерациясының президенті Мағжан Ералиев, коньки тебу ұлттық федерациясы президентінің кеңесшісі Байтақ Тұрсынбаев, Элизабетаның анасы Падишахан Сұлтаналиева мен ағасы Тимур Тұрсынбаев құрметті қонақтар қатарынан табылып, алғашқы жүлдегерлер мен жеңімпаздарды марапаттады.

Осымен алтыншы мәрте ұйымдастырылып отырған Республикалық турнирге Ресей мен Қырғызстаннан және еліміздің барлық өңірінен 200-ге жуық спортшы келді. Дүбірлі сайыс 10 мамыр күні қорытындыланады.