Бигінұрдың биігі
Жаңақорғандық таеквондошы БегІнұр Айтмұханұлы облыстық жасөспірімдер арасындағы чемпионатта топ жарды. Оның алғашқы биік тұғыры. Оның қабылетін көрген бапкерлер болашақта ел абыройын асқақтататын спортшы болады деген пікір білдірді.
– Жалпы Сыр елінде таэквондо спорты дамудың жолына түсті. Ел біріншіліктерінде жүлдемен оралып келеміз. Енді жасөспірімдердің болашағынан үлкен үміт күтеміз. Солардың қатарында Бегінұр да бар. Ол әлі жас спортшы, сондықтан оны спорттық тұрғыдан шыңдап, жігер беретін болса чемпион шығатынына күмәніміз жоқ, – деді бапкер Камилжан Нақышпанов.
Жаңақорғанда таэквондо спорты еңсе көтеріп келеді. Жақында Ғайни Ғалымжанқызы республикалық спартакиада чемпионы атанды. Сондықтан келешекте жастардың байрақты бәсекелерден жүлдемен оралуын күтеміз, әрі сенеміз.
Әли ТЕМІРБЕК
