Ел чемпионатына жолдама алды
Жаңақорғанда дамудың жолына ел чемпионатына жолдама түскен спорттың қатарында таэквондо да бар. Әсіресе бұрымдылардың бағындырған белесі бір төбе. Балғын таэквондошылар байрақты бәсекелерде ел мерейін үстем етіп жүргенінен куәміз. Жуырда ғана Гүлназ Кайбулла халықаралық турнирдің күміс жүлдесін жеңіп алды.
Қарағанды қаласында өткен Ауған соғысының ардагерлерін еске алуға арналған кадеттер арасындағы халықаралық турнирде Гүлназдың мерейі тасыды. Жеңіл салмақта қарсылас шақ келтірмейтін Гүлназ тек ақтық сында сүрінді.
– Гүлназдың физикалық әлеуеті сәл жетпей қалды. Әйтпесе алтын қолда тұр еді. Десе де ол әлі жас спортшы, болашағы алда. Енді бізді ел чемпионаты күтіп тұр, дайындықты бастаймыз, – деді жаттықтырушысы Ерлан Төлепбергенов.
