Сайлау-2021
2021 жылдың басты оқиғасы – ауылдық округ әкімдерін халық өзі таңдады. Шынында, ауыл тұрғындары сайлауға белсенді қатысып, елді мекенді өркендетуге қабілет-қарымы жететін азаматына дауыс берді.
Жаңақорған ауданында 13 ауылдық округтің әкімі сайланды. Елді мекендердегі 17 сайлау учаскесінде 11340 сайлаушының 8458-ы дауыс берді. Яғни халықтың 74,59 пайызы саяси науқанға қатысты.
Әкімдерді сайлау – халықтық демократияны нығайту бағытындағы тың қадам және жергілікті өзін-өзі басқару жүйесін жетілдірудегі ұтымды шешім болды.
