ЕКПІНДІЛІКТЕР САЙЛАУҒА БЕЛСЕНДІ ҚАТЫСУДА
Бүгін ел тарихында тұңғыш рет ауылдық округтің әкімдерін халық тікелей сайлауда.
Жаңақорған ауданында 13 ауылдық окрукте 17 сайлау учаскесінде сайлау өтуде. Мен арнайы Екпінде ауылдық округіне барып, сайлаудың барысымен танысып қайттым.
Сайлау учаскесінің төрағасы Құралай Орынбасарованың сөзінше, таңғы сағат 7.30-да екпінділіктер сайлау үйіне келіп, белсенділік танытуда. Елді мекендегі 482 сайлаушы өз таңдауын жасайды.
Сайлауға келген Азат Орынбасаров:
Бұл реформа жергілікті басқару жүйесіне қатысты көзқарасты түбегейлі өзгертуі тиіс. Яғни, ауыл тұрғындары өздерінің көңілінен шығатын және әлеуметтік талаптарын орындай алатын әкімін таңдайды.
