ЖАҢАҚОРҒАН: АУЫЛ ӘКІМДЕРІНІҢ САЙЛАУЫ ЖОҒАРЫ ДЕҢГЕЙДЕ ӨТУДЕ

Бүгін тәуелсіз Қазақстанның тарихында тұңғыш рет ауыл әкімдерінің сайлауы өтіп жатыр. Ел Президенті Қасым-Жомарт Тоқаевтың бастамасын қоғам жылы қабылдап, оң бағасын берді. Республика бойынша 14 өңірдің 176 ауданындағы 730 ауыл округінде сайлау өткізу жөнінде шешім қабылданды.


Қызылорда облысы, Жаңақорған ауданында да ауыл әкімдерінің сайлауы жоғары деңгейде өтіп жатыр. Атап айтсақ, аудан бойынша 13 ауылдық округі әкімдерінің сайлауына сайлаушылар таңғы 7.00 - ден бастап атсалысып, өз таңдауларын жасай бастады.

Сайлау учаскелерінде карантин талаптары сақталған. Саяси доданың әділ өтуін арнайы бақылаушылар бақылап отыр.