ТАТАР МАЛАЙҒА
Ертеректе гастрольдік сапарда жүрген Мұхтар Әуезов атындағы академиялық театрдың әртістері Татарстанның бір совхозына кешкілік спеккль қояды. Өнер кешіне басшылардан ешкім қатыса қоймай, солардың айтуымен болар, біреу әртістердің киінетін бөлмесіне бір шелек сүт пен екі бөлке нан қойып кетеді. Ойыннан кейін бұйырғанын ішіп-жеп алып, «Қымызханадағы» Өкіреш рөлі арқылы белгілі актер Рахметбай Телеубеков бір жапырақ қағазға,
«Рахмет сізге, татар елі,
Қазақ келді, ән білән.
Зор құрметпен қарсы алдыңыз,
Бір шелек сүт, нан білән»-
Деп жазады да, үстел үстіндегі әйнектің астына қойып кееді. Ертесіне Қазан қаласына арттарынан іздеп барған совхоз басшылары қонақтарды дұрыстап күте алмаған айыптарына кешірім сұрап, арнайы банкет жасайды.
Нұрмахан Елтай.
