КӘСІПКЕР АУЫЛЫНА МЕДПУНКТ САЛЫП БЕРДІ

Шығыс Қазақстанның Көкпекті ауданында кәсіпкер ауыл тұрғындарына медициналық пункт салып беріп қуантты, деп хабарлайды Қазақпарат.Кәсіпкер Қайрат Дүйсембаев туып-өскен ауылы Ақойға медициналық пункт салды. Ол «Рустам» шаруа қожалығының жетекшісі. Одан бөлек тұрғындардың өтінішін жерге тастамай, пункте қызмет ететін жас маманды баспанамен қамтамасыз етті.
«Қазір Ақойда 80-нен астам адам қалды. Тоқсаныншы жылдарға дейін медициналық мекеме болған. Кейін тоқырау жылдарында жұмысын тоқтатты да, ғимараты сатылып кетті. Жаңа ғимарат 4 бөлмелі. Оның құрылысына 10 млн теңге жұмсалды. Ал дәрігерге бос тұрған үйді сатып бердім», – дейді кәсіпкердің өзі.
Аудандағы Тассай ауылында Мұхтар Әуезов атындағы мектептің 1998 жылғы түлектері «Туған жер» бағдарламасы арқылы саябақ салып берген.