Қарттарым асыл қазынам
Бар болғаны үш-ақ әріптен тұратын АНА сөзінің құдыреті мықты. Әсілінінде анасын құрметтемейтін, ардақтамайтын халық жоқ шығар. Осындай сыйластықты бүгін аудан басшысы Сұлтан Мақашов Келінтөбе ауылының 101 жастағы тұрғыны Сұлу Баркенова мен Қожакент ауылының тұрғыны 103 жастағы Әсия Каримова әжейімізге көрсетті.
Ананы тіршіліктің қайнар көзі деп айтуымызға да негіз бар. Ананың міндеті баланы тоғыз ай көтеріп, толғатып, жарық дүниеге әкелумен шектелмейді. Бала, бала деп,түнде шошып оянған,ұйқысын төрт бөліп, мұзды бесік таянған, - да ана. Бір сөзбен айтқанда баланы көзінің қарашығындай сақтап, қанаттыға қақтырмай, тұмсықтыға шоқтырмай, мәпелеп өсіріп, аяғына тік тұрғызатын да ана. Бұған ешкімнің дауы жоқ. Ал бір ғасырдың қындай да болмасын қиыны мен қызығын қатар көрген осындай батыр аналарымыз қандай құрметке де лайық!
