» » Сізге тексерумен келеді

Сізге тексерумен келеді


Қызылорда облысында кәсіпкерлік субьектілерін тексеруді азайтуға бағытталған жобалардың тиімділігі байқалуда.

Бұл туралы ҚР Бас прокуратурасының құқықтық статистика және арнайы есепке алу жөніндегі Комитетінің Қызылорда облысы бойынша басқармасының бөлім басшысы Мәди Әбішев журналистермен өткен брифингте баяндады.
«Ашықтыққа қол жеткізу үшін барлық мемлекеттік органдарда ТСОБТ ақпараттық жүйесі қолданысқа енгізілді. 2018 жылдың шілде айынан бастап тексерулер электронды түрде тіркеле бастады. Бұл өз кезегінде бақылаушы мемлекеттік органдарға кеңседе отырып тексеру тағайындауға және кәсіпкерлердің уақытылы хабарлама алуына мүмкіндіктер берді. Тексеру тіркелгеннен кейін кәсіпкердің ұялы телефонына «Сізге тексерумен келеді» мәтіні бойынша Push-хабарлама келеді. Ал, алдағы уақытта жүргізілетін тексеру бойынша ұялы қосымшаға «Неге МЕН?» батырмасы қалыптастырылады», - дейді Мәди Әбішев.
Құқық қорғау органдары өткен жылдан бастап электронды форматта түрлі жобаларды іске асыруда. Сондай жобалардың бірі - «Әкімшілік өндірістердің бірыңғай тізілімдері» жобасы. Жоба іс-құжатты толтыру процесі және жол-көлік бұзушылықтары бойынша айыппұлдар төлеу ісін автоматтандырады.
Мәди Әбішевтің айтуынша,  ағымдағы жылдың сәуір айынан бастап жол-көлік полиция органдарымен құқық бұзушылықтар үшін әкімшілік хаттамалар планшет құрылғылары арқылы электронды форматта толтырылуда. Бұл өз кезегінде салынған әкімшілік айыппұлдарды өндіру тәртібін жеңілдетеді. Салынған айыппұлдың 50% жеңілдетілген құқығын пайдалана отырып банк бөлімдері кассалары арқылы яғни сол уақытта төлеу мүмкіндігі бар.
Электронды жобалардың бірі «е-Өтініш» жобасы.Бұл азаматтардың өтініштерін қарау және қабылдау бойынша мемлекеттік органдардың әрекеттерін құрылымдауға арналған. Жүйе өтініштердің мерзімдерінің бұзылуын анықтауға, мемлекеттік органдардың және аудан бойынша азаматтардың проблемалық сұрақтарына талдау жасауға, қарауына жатпайтын өтініштерді анықтауға мүмкіндік береді.

Ескендір Ертай
01 тамыз 2019 ж. 78 0