Қасқыр асырауға қалай қарайсыз?
Қазір үй жануаларын күтіп-баптауға әрең уақыт табатын заман болды. Тіпті, көп адамдар үй жануарын асырауды мүлдем қойған. Ал, қытайлық Янг есімді тұрғын 150 қасқырды қолға үйретіп жүр екен.71 жастағы кәсіпкердің ерекше хоббиі бар. Ол – қасқырды қолға үйрету. 1998 жылдан бастап қасқырды қолға үйретуді әдетке айналдырған мырза бүгінде 150 бөрінің иесі. Ол жануарларын қоректендіруге жылына 145 000 АҚШ долларын жұмсайды екен. Осынша уақыт жабайы жануарларды қарамағына алған Янгке тек бір бөрі ғана атылып, қолын жаралаған екен. Қазіргі таңда әбден қожайындарына бауыр басқан бөрілер, керісінше, өзге қауіптің алдын алып, иелеріне адал қызмет етуде.
