Шоқан Уәлиханов Сыр бойында туылған
Қазақтан шыққан тұңғыш ғалым Шоқан Уәлиханов та біздің өлкеде өмір сүреді. Екпінді ауылында 1994 жылғы Шоқан Уәлиханов болса, Келінтөбеде 2009 жылы туылған бала Шоқан Уәлиханұлы бар.
Әке үмітін ақтап, әке жолын жалғаған тағы бір Шоқан ауданның мәдени-рухани өмірінде өзіндік ізі бар Уәли Ибрагимовтың ұлы. Саяхатшының атын иемденген Шоқан Уәлиханов бүгінде қалам ұстап, өлкетанумен айналыспаса да Алматы төрінде әуездетіп, ән салып, өнер өлкесінде саяхат жасап жүр. Өз атымен ғана емес, талантты өнерімен талайды таңқалдырып жүрген ол, Жаңақорған атын, сапарлы саяхатында танытуда. Иә, Шоқан Шыңғысұлы зиярат ете алмаған Хорасан атаны біздің Шоқан зиярат етіп, қасиетіне қанықты. Себебі, біз білетін Шоқан Уәлиханов қарт Қаратау етегі мен сұлу Сырдың бойында жарық дүниеге қадам басты. Туған өлкенің тарихи-мәдени жәдігерлерін көзбен көріп, дәм тұзына қанық болған ол, туған топырақпен мақтанып қана қоймай, өзгелерге насихаттап та жүр.
