Жаңақорған аудандық сотында «TrueConf» мобильдік қосымшасы арқылы әкімшілік іс қаралды

      Қазақстанның Республикасының Жоғарғы Сотының төрағасы ұсынған,  сот жүйесін дамыту бойынша айқындалған жеті басым бағыттың  бірі болып табылатын  «SMART сот» жобасы бойынша   іске асып отыр. Аталған жоба  еліміздің тұрғындарының  цифрлық сауаттылығын арттыру, уақыт пен қаражатты үнемдеу және сот жүйесінде инновациялық технологияларды пайдалануды дамытуға бағытталған.   

     

     2018 жылдың 28 қарашасы күні Жаңақорған аудандық сотының судьясымен бейнебайланысты қолдану арқылы Қазақстан Республикасы ӘҚБтК-нің 608 бабының 1 бөлігімен құқық бұзушы И. қатысты әкімшілік іс қаралды.
     Құқық бұзушы Жаңақорған ауданы, Қожамберді ауылында тұруына байланысты6 жер қатынасы жағынан сот процесіне қатысуға тікелей өз мүмкіндігі болмаған.
      Іс құжаттарына сәйкес құқық бұзушы Жаңақорған ауданы Қожамберді ауылы Шаймен көшесінің бойында  «Иж Планета» үлгісіндегі  мемлекеттік белгісі жоқ мотоциклін алкогольді масаю күйінде басқарған.
Сотта қарау барысында құқық бқзушы И., кінәсін мойындап, «Иж Планета» үлгісіндегі мотоциклін алкогольді масаю күйінде басқарғанын көрсетті.
Аудандық соттың қаулысымен құқық бұзушы И., Қазақстан Республикасы ӘҚБтК-нің 608-бабының 1-бөлігімен кінәлі деп танылып, ол көлік құралын басқару құқығынан 3 жыл мерзімге айырылды.

Ақпарат: Жаңақорған аудандық сотының баспасөз қызметі.