Қазақстанда 1 қаңтардан бастап әйелдердің зейнетке шығу жасы ұлғаяды
Жаңа жылдан бастап қазақстандық әйелдердің зейнеттік жасы ұзартылатын болады деп хабарлайды zhanaqorgan-tynysy.kz интернет газеті NUR.KZ.-ке сілтеме жасап.
Елімізде әйелдердің зейнетке шығу жасын кезең-кезеңмен ұлғайту туралы заң бірнеше жыл бұрын өз күшіне енген. Бұл өзгерістер 1960 пен 1964 жылдар аралығында туылған Қазақстан азаматшаларына арналған.
Зейнет жасын жарты жылға ұзарту алғаш рет 2018 жылдың 1 қаңтарында іске асты. Қазіргі таңда, әйелдердің зейнетке шығу жасы 58,5 болып тұр.
Келесі жылдан бастап, бұл көрсеткіш 59 жасқа дейін ұлғайтылмақ. Зейнетке шығу жасын ұзартудың екінші кезеңі 2019 жылдың 1 қаңтарына жоспарланып отыр.
Қазақстан азаматшаларының зейнетке шығу жасы алдағы тоғыз жылда жыл сайын алты айға ұзартылып отырады.
2027 жылы әйелдер қауымы тек 63 жасында зейнеткер атанбақ.
Оған қоса, азаматшалар қажетті сомманы жинаған жағдайда 50 жасында зейнетке шығу мүмкіндігіне ие болмақ.
2018 жылы жиналуға тиісті сомманың көрсеткіші 13,5 млн теңгені құрайтын болады.
Алайда кейбір әйелдер зейнетке ертерек те шыға алады. Заңға сәйкес, бұл мүмкіндікке экологиялық тұрғысынан қауіпті аумақта тұрған әйелдер мен бес және одан артық баланы туып, не асырап алған әйелдер (оларды сегіз жасқа дейін тәрбиелегені шарт) ие болмақ. Бұл тізімге жататын азаматшалар 53 жасында зейнеткер бола алады.
Пікір 2