Білім саласының басшысы Уәли Төрәлиевтың сөзі сөз-ақ «Адам зейнетке шыққан соң телефон да зейнетке шығады екен».
Туасы, телефон деген жақсы байланыс құралы. Қай жерден болсын хабарласа аласың. Мүмкіндігі мол. Ал, сол мүмкіндікті қалай пайдаланып жүрміз? Бақсақ, қоңырауға селқос қараудың да қулығы артты. Бой тасалаған боламыз. «Жиналыстамын, үнсіздікте қалып қойыпты, тыс жерде жүрдім» деген сылтау өте көп. Асымыз олқы іс-ақ. Өтірікке өзіміз кінәліміз. Жауаптан жалтарамыз. Немесе арты қуыс адамның әрекетіне үйірміз.
Бір жәйт белгілі. Қоңырау босқа соғылмайды, сізді қажет болғаныңыз үшін іздейді. Өмірде ең жаман нәрсе сізді ешкім іздемеген. Демек, телефонның «зейнетке шығуынан» сақтасын дейік!
Қаныбек ӘБДУОВ