«Тұрмыстық зорлық-зомбылық туралы заңнамаға өзгертулер енгізіп, жазаны күшейту қажет. Қазір тіпті қолданыстағы заңнаманың өзі дұрыс орындалмайды. Бізге айқын стратегиялық жоспарлар қажет, яғни отбасындағы жағдайды зерттеуіміз керек. Қандай әлеуметтік көмек қажет? Бұл мәселені әр тараптан егжей-тегжейлі зерделеу арқылы үкіметтік емес ұйымдармен бірлесе шешуге тиіспіз », - деді Жанат Омарбеков тілшілерге Астанадағы тұрмыстық зорлық-зомбылықтың алдын алу жөніндегі халықаралық конференция алдында.

  Еске сала кетсек, елордада «Әйелдерге қатысты зорлық-зомбылықсыз 16 күн» халықаралық акциясы шеңберінде «Тиімді ынтымақтастық арқылы тұрмыстық зорлық-зомбылықтың алдын алу: дағдарыс орталықтарын дамытудың жаңа кезеңі» атты халықаралық конференция өтіп жатыр.

  Конференция жұмысына Парламент депутаттары, Ұлттық комисия мүшелері, орталық мемлекеттік органдардың, халықаралық ұйымдардың өкілдері, ІІМ қызметкерлері, сондай-ақ АҚШ, Германия, Австрия, Румыния, Италия, Черногория елдерінің сарапшылары қатысуда.

 

  Өз кезегінде БҰҰ әйелдері» ұйымының Қазақстандағы өкілі Илейн Коникевич отбасындағы зорлық-зомбылық құрбандарына көмек көрсету үшін дағдарыс орталықтарының санын көбейту қажеттігін атап өткен еді.