Телефоннан сепкіл пайда болады
Израиль денсаулық сақтау министрлігінің ғалымдары қалта телефондар мидағы қатерлі ісік дертіне шалдықтыруы мүмкін деген күдікпен зерттеу жүргізген еді. Нәтижесінде, олар ұялы телефон мен оның жиілігі мида қатерлі дерттің пайда болуына себепкер болмайтынын анықтап, оның адамның ДНҚ жүйесіне де зияны жоғына көз жеткізген. Бірақ смартфондар қатерлі дерт түрлеріне себепкер болмаса да, бетте сепкілдің пайда болуына әсер етеді екен. Бетке қойғанда дисплейдегі жылу теріге әсерін тигізіп, пигменттер қызметін жылдамдататын көрінеді. Нәтижесінде, бетте сепкіл пайда болуы мүмкін. Мұны шешудің оңай жолы бар. Ол – телефонның даусын көтеріп сөйлесу, екіншісі bluetooth құлаққаптарды пайдалану.
