ҚАЗАҚТАН СӨЗ АРТЫЛҒАН БА:ҚАҒЫТПА ҚАЛЖЫҢ

Меңлібай Кенжебаев ұзақ жылдар бойы Шиелі ауданында түрлі басшылық қызметтер ақарды. Өз ісіне мығым ағамыз әзіл сөзге де бейім еді. Мәкеңнің әйелінің тегі-Сүттібаева, ал жақын ағайыны Бекжігіттің әйелінің фамилиясы-Жүндібаева болса керек. Бір дастархан басында оырғанында Мәкең әзілдеп;
-Біз мал шаруашылығы жағын ертерек, үйленген кезде қамдап қойғанбыз,-дейтін көрінеді.-Енді сүт пен жүннен таршылық көре қоймаспыз...АРТЫНАН КЕЛГЕН БАЛАЛАР
Меңлібайдың үлкен балалары-Мақсұт пен Махмуд кішкене кезінде Бесарықтағы нағашыларының қолында өсіп, мектеп бітірген соң ғана ата-анасының қолына келеді. Бұрын бұл үйде көп көрінбеген оларға тосырқай қараған қоңсыларына отағасы күлмесен;-Бұлар Айткүлдің алғашқы күйеуінен туған балалары ғой, анасының жанында болсын деп қолға алдық,-дейтін көрінеді астарлай әзілдеп.
Ия, әзіл сөздің түбін түсіретін Мәкеңнің реті келгенде өзге түгілі өзін де аямайыны бар еді.

Нұрмахан Елтай.