«Электронды сот төрелігі» тақырыбында семинар өтті

Жаңақорған аудандық сотында, сот мамандары және кәсібіи медиаторлардың қатысуымен «Электронды сот төрелігі» тақырыбында семинар сабағы өткізілді.
Кеңсе меңгерушісі Б.Налибаева өз баяндамасында, электронды сот төрелігі, бұл ақпараттық технологияны қолдануға негізделген сот төрелігін жүзеге асырудың тәсілі екендігін атап өтті. Электронды сот төрелігі сот ісін жүргізу процесін оңайлатуға, сондай-ақ оны жедел, қолжетімді етуге бағытталған. Баяндамашы өз сөзінде «Сот кабинеті», «Талдау форумы, сот ісін жүргізуге қатысушыларға электронды хабарлау, «Төрелік», бейнеконференц байланыс, сот процестерін аудио-бейнеге жазу сияқты қызметтердің жүзеге асыру жоспарының мүмкіндіктері, электронды цифрлық қолтаңба бар, барлық адамдарға жетімді екендігіне кеңінен тоқталып, түсіндірді.
Семинар сабағының қорытындысы бойынша кеңсе меңгерушісі мамандардың сұрақтарына жауап берді.

Ақпарат: Жаңақорған аудандық сотының баспасөз қызметі.