Танымал журналист Гүлмира Әбіқай өзінің Facebook желісіндегі парақшасына балаға зәру жандарды емдеумен айналысатын шымкенттік емшінің видеосын жүктеді. Журналистің айтуынша, емші әйелдерді кәмпит арқылы емдеп шығарады деп хабарлайды NUR.KZ.
Журналист шымкенттік емші Ұнсынай Маскееваға қатысты жазба қалдырды.
"Шымкенттік емші Ұнсынай Маскеева бедеу әйелді кәмпитпен-ақ көтертеді. Бес айға дейін УЗИ-ға түспе, бала өссін дегенге сенген келіншектің бірі И. бес айдан кейін барса жатырда бала тұрмақ бақа да жоқ.
"Жоқ, 12 жыл көтермеген баланы осы емшінің дәрісіні ішіп көтердім", - дейді тағы біреу.
Кім не біледі? Әзірге редакцияға келіп түскен хат арасында даттау да, мақтау да көп. Бір сеанстан 200 мың, келесіде 500 мың теңгені қалтаңнан қағып алады. Ал пластик құтыға не целлофан мүшекке оралған дәрі-дәрмектің фотосын көріп шошып отырм өз басым", - дейді Гүлмира Әбіқай.