Жемқорлық – қоғам індеті

Сыбайлас жемқорлықпен күрес – қоғамдағы ең күрделі мәселеге айналып отыр. Осы уақытқа дейін халыққа қызмет көрсету орындарында да төбе көрсетіп қалатын жағымсыз құбылыстан қалай құтылуға болады? Бұл бағытта Мемлекет басшысы өзінің сындарлы талабын қойып отыр. «Қандай да болмасын сый-сияпат жасау доғарылсын. Мамандар қызметке арнайы конкурс арқылы қабылданатын болсын» деген тапсырмасы қашан да өзекті.

Заң үстемдігін орнатып, нағыз құқықтық мемлекет құру үшін ең алдымен жемқорлық дертін түп тамырымен жоюға тиіспіз. Қазірде көп саланы осы мағынасыз дерт дендеп тұр. Сондықтан үлкен әлеуметтік қасірет болып табылатын, қоғамның гүлденуін тежейтін жиренішті құбылыспен күресу баршамыздың міндетіміз. Жемқорлық көріністердің мемлекеттер мен халықтарға тән ғасырлық тамырын жою оңай болмасы анық. Зерттеулерге сәйкес жемқорлық қоғамның негіздерін бұзады., дамуға қауіп төндіреді. Сондықтен бұл дертпен күрес жалпыхалықтық сипат алуы керек. Параны тықпалап беруші болмаса бұқпалап алушы да болмас еді. Жасыратыны жоқ, біздің арамызда өзінің жеке басы мәселесін жең ұшынан жалғасқан тамыр-таныстықпен шешуді жеңіл көретіндер көп. Олар, сайып келгенде, асыл заңды аяқасты етіп, өзгенің несібесіне қолын сұғатынын сезінер ме екен? Осындай әдетке құмар әлдекімдер тәртіп, талап дегенді таптап өтіп, өзінің ғана емес, өзгенің де тұмсығын жолсыздыққа апарып тіреп қоятынын ұмытып кететін секілді.

«Өтіріктің арты – бір-ақ тұтам» дегендей, бір күндері арты ашылып, абыройсыздыққа ұрынып жататынын да содан. Қытай ойшылы Конфуций:» Өзіңе ұнамаған жағымсыз дүниеге шағымдануоның отын екі есе арттырады» деген екен. Ел арасында нашар қылық, жүгенсіз кеткен жөнсіздіктерді көргенде әлдекімдерді кінәлап, өздерін сүттен ақ, судан таза санап, жұртты жазғыру жөнсіз. Елдегі тұрақтылық биліктің қызметімен ғана өлшенбейді. Болашағымыздың жарқын болуына барлығымыз да мүдделілік танытуымыз керек.

Жаңақорған ауданының Төтенше жағдайлар бөлімі