Ұрлыққа қарсы тосқауыл
ҚР Ішкі істер министрлігінің нұсқауына сәйкес аудан көлемінде ұрлық қылмыстарының алдын алу бағытында «Ұрлыққа қарсы іс-қимыл» жөніндегі 2024-2026 жылдарға арналған бағдарламасы жүзеге асырылуда. Бағдарламаның негізгі мақсаты – бөтен мүлік ұрлығы, оның ішінде пәтер ұрлығы қылмыстарының алдын алу және болдырмау болып табылады.
Жалпы ірі қалаларда пәтер ұрлығының азаймай тұрғаны жасырын емес. Бұл қылмыстың жазасы жеңіл еместігі ескерілмей жатады. Дегенмен біздің ауданда бұл қылмыстың саны азайған. Сонда да сақтық шараларын күшейтіп, тұрғындар өз өмірлеріне бей қам қарамауы керек.
Аталған бағдарлама аясында Жаңақорған ауданының полиция бөлімінің жергілікті полиция қызметі қызметкерлерінің ұйымдастыруымен жеке тұрғындардың қауіпсіздігін қамтамасыз ету бойынша түсіндірме жұмыстары жүргізілуде.
Ербол ӘЛІМБЕКОВ,
Жаңақорған АПб бастығының орынбасары,
полиция подполковнигі
