Қызылорда облыстық қоғамдық денсаулықты сақтау департаменті басшысы Ұ.Аханаева БАҚ өкілдеріне берген брифингте аталған ауруға қарсы 2 адам екпе салдырғанын айтты.
Департамент басшысының айтуынша, өңірімізде эпидемиологияға қарсы және профилактикалық шаралар ұйымдастырылуда. Аудандық аурухана қызметкерлері үй аралау арқылы аталған сырқатқа күдіктілерді анықтау және ақпараттандыру шараларын жүргізіп жатқандығын мәлімдеді.
Айта кетерлігі, ауруға қарсы екпе ақылы. Департамент басшысының айтуынша, аймағымызға екпелер Бельгия мемлекетінен жеткізіліпті. Алайда, менингитке қарсы егу Қазақстанның Ұлттық екпелер күнтізбесіне енгізілмегендіктен, екпе ақылы. Бағасы –23 мың теңге.