"Жас өлкетанушы" байқауы мәреге жетті

2024 жылдың 5 сәуір күні аудан орталығындағы №125 орта мектебінің базасында 6-8 сынып оқушылары арасында "Жас өлкетанушы" облыстық тарихи-өлкетану музейінің ұйымдастыруымен облыстық байқаудың, аудандық іріктеу кезеңі өткізілді.
Шараның негізгі мақсаты: ынталы жастарды өлкеміздің тарихына ғылымға баулуға, ұлттық мәдени-тарихи құндылықтарды насихаттауды қолға алуға, жастардың музейге деген қызығушылығын арттыру болып табылады. Байқау қорытындысы бойынша №240 орта мектебінің 6-сынып оқушысы Қалдыбек Алтынбек, №125 орта мектебінің 8-сынып оқушысы Сұлтанғали Жасмин, №194 орта мектебінің 6-сынып оқушысы Ташмахан Аружан, №169 орта мектебінің 8-сынып оқушысы Сұлтанбек Дархан жеңімпаз деп танылып, байқаудың облыстық кезеңіне жолдама алды. Аталған оқушыларымыздың жетекшілеріне алғысымыз шексіз.