Бүгін «AMANAT» партиясы Жаңақорған аудандық партиялық бақылау комиссиясының төрағасы Арман Мажитов, партиялық бақылау комиссиясының мүшесі, фракция жетекшісінің орынбасары Лаура Бибасаровамен бірге Төменарық ауылдық округіндегі «Балдәурен» бала бақшасына мониторинг жұмыстарын жүргізді.

Мониторинг барысында балабақшаның қазіргі жай-күйімен толық танысып, балаларға қауіпсіз әрі жайлы жағдай жасалғандығы байқалды. Алайда балабақша меңгерушісі балабақша соғылғаннан кейін күрделі жөндеу жүргізілмегендігін, алдағы жылы толықтай жөндеу жүргізуге қаржы қаралса екен деген өтінішін жеткізді.

Аудандық мәслихат депутаты Лаура Бибасарова айтылған мәселені назарға алып, алдағы уақытта жұмыстар жүргізілетіндігін жеткізді.

#AMANAT