Синоптиктер алдағы күндері ауа райы қандай болатынын айтты
Алдағы күндері республиканың басым бөлігінде күн салқын, жаңбырлы болады, найзағай ойнап, екпінді жел тұрады, деп хабарлайды Қазгидромет.
Еліміздің солтүстігінде, шығысында және оңтүстік-шығысында қатты жаңбыр жауады. Қазақстанның оңтүстік-шығысындағы таулы аудандарда ауа райы жауын-шашынды, 19 қазанда қатты жаңбыр және жылбысқы қар жауады деп болжанып отыр.
Республиканың солтүстік-батысында, солтүстігінде, шығысында және орталығында түнде және таңертең тұман түседі.
Еліміздің солтүстігінде, солтүстік-батысында, орталығында сынап бағанасы түнде 2-10 градус жылы көрсетсе, күндіз 10-20 градусқа дейін жоғарылайды.
