Біз «Бала – бауыр етің» деген сөзді жиі қолданамыз. Өйткені өзегіңді жарып шығып, ұйыған қаннан ұядағы балапанға айналған құлыншақтың құдіреті адамның ет жүрегін елжіретіп, жүзіңе қуаныш, жүрегіңе жұбаныш сыйлайтыны анық. Баяғыда бір анадан «Қай балаңды қатты жақсы көресің?» деп сұрағанда: «Ауырған баламды жазылғанша, шығып кеткен баламды оралғанша, кіші баламды өскенше жақсы көремін. Кеудемдегі жүрегім тоқтағанша, бәрін жақсы көріп өтемін» деген екен.

Балалар қауіпсіздігіне қауіп төнді¬ретін тағы бір жайт, интернет әлеміндегі әртүрлі бейнелер. Смартфонға байлан¬ған сәбилер санасының улануына ғалам¬тордың да тигізер әсері әсте көп. Әлеу¬меттік желілерден көргенін істеуге құл¬шынып тұратын бүгінгі балдырғандарға торапқа кіруге тосқауыл қою пайдалы ма деген ойға келесің кейде. Мәселен, жыл басынан бері Ақпарат және қоғамдық даму министрлігі порнографиялық материалдарды таратқан 1,5 мыңға жуық интернет-ресурсты бұғаттаған. Сонымен қатар полиция департаменттерінде құ¬рылған мамандандырылған топтар ин¬тернетті қолдану арқылы қылмыс жасай¬тын педофилдерді анықтау бойынша шаралар жүргізуде.

Міне, осы мәселеге мемлекет аса көңіл бөлуі бізді де қуантып отыр!