Ауданымыз Конго-Қырым геморрагиялық қызбасының табиғи ошағында орналасқан.

Аудан бойынша 2023 жылға Конго-Қырым геморрагиялық қызбасынан «қолайсыз» 15-елді мекендер есепке алынды. Атап айтқанда: Шалхия, Құттықожа, Бірлік, Қосиенкі, Қыраш, Талап, Төменарық, Қандөз, Қаратөбе, Келінтөбе, Түгіскен, Өзгент, Машбек, Байкенже, Билібай ауылдары.

2023 жылдың 11сәуірден бастап қолайсыз елді мекендерде көктемгі кенеге қарсы дәрілеу жұмыстары басталды, кенеге қарсы дәрілеу жұмыстары 2 кезеңде жүргізіліп 5 мамырда аяқталады.

Көктемгі кенеге қарсы өңдеу жұмыстары сапалы жүргізілуі үшін өңдеу жұмыстарының алдында барлық мал қоралар, аулалар механикалық тазалау жұмыстарынан өтуі керек. Тазаланбаған мал қораларда қанша өңдеу жасалғанымен, қидың, көңнің арасына ұялап қалған кенелерден сауықтыру мүмкін болмайды.

Аналық кенелер көбіне қи-қоқыстардың астына жылы, термостаттық жағдайда ұрпағы өсіп-жетілетін жерлерге жұмыртқалайды.

Аурудың жиі тіркелуінің бірден-бір себебі де осы – кенелердің елді мекен аумағындағы мал қораларда жұмыртқалауы болып табылады. Мүмкіндігіне қарай мал егелеріне елді мекендердегі мал қораларды кенелер ұялап қалмас үшін іші сырты әктелетіндей етіп салуды және мал қораның ішін таза ұстауды ұсынамыз.

Кенеге қарсы сапалы өңдеулердің бір түрі – ауылшаруашылығы жануарларының денесіндегі сыртқы және ішкі паразиттерді қатар өлтіретін акарицидтік препараттарды (ивермек, т.б.) егу арқылы кенеден құтылу жолдарын да ұйымдастыру қажет.

Мақсатты түрде жүргізілген кенеге қарсы өңдеу шараларының сапалы жүргізілуі адамдар арасында аурушаңдықты болдырмауға және өлім жағдайларының алдын алуға тікелей әсер етеді.