» » Жемқорлық – қоғам дерті

Жемқорлық – қоғам дерті


Елдің дамуы мен әлеуметтік-экономикалық ілгерілеу жолындағы маңызды қадамның бірі – сыбайлас жемқорлықты жеңу. Бұл тек біздің елдің ғана емес, әлем елдерінің алдына қойған маңызды мәселесі.


Сыбайлас жемқорлыққа қарсы әрекет – мемлекеттік саясаттың құрамдас бөлігі.
«Жаңақорған аудандық ар­хиві» филиалында сыбайлас жем­қорлықтың алдын алу мен олар­ды болдырмау мақсатында жыл басынан іс-шаралар жоспарла­нып, сыбайлас жемқорлыққа қарсы күрес жөніндегі азаматтардың құқықтық мәдениетін көтеру мен мемлекеттік заңды құрметтеу дәс­түрін қалыптастыруда. Ол үшін төмендегі шаралар ұйымдас­ты­рылуда:

2013 жылдан бастап архив қорындағы тұрақты сақтаудағы құжаттар, яғни әр істің парақта­ры сандық форматқа көшірілуде. Сандық формат дегеніміз архив қорындағы тұрақты сақтаудағы құжаттардың әрбір жеке па­рақтарын сканерлеп, деректер базасында электронды нұсқада сақтау.

2021 жылдан бастап аудан әкімшілігі, ауылдық округтер жә­не аудан әкімдігінің бөлімдері ведомстволық архивте уақытша сақтауда тұрған құжаттарды сан­дық форматқа өткізіп, «Құжаттар­дың бірыңғай электронды архиві» ақпараттық жүйесіне енгізу про­цесі қолға алынуда. «Құжаттар­дың бірыңғай электронды архиві» ақпараттық жүйесі – деректер ба­засында тұрған электронды құ­жаттарды жинақтап, бір жүйеде сақтап, уақытша сақтау мерзімі өткеннен кейін қағаз түрінде және электронды нұсқада мемлекеттік сақтауға архив қорына өткізу. Қазіргі таңда жасалып жатқан ақпараттық жүйе бойынша архив мамандары ұйымның жауапты мамандарына семинар, сабақ және оқулар өткізіп, тәжірибе жүзінде кеңес беруде. Қағаз жүзінде құ­жаттарды электронды нұсқасын жасау, азаматтардың қажеттілігін жедел орындап, сақтау процесі­нің ұзартылуына мүмкіндік береді. Архив саласында сыбайлас жем­қорлыққа қарсы шаралар жалғасын таба береді.

Мақпал АШИМОВА,
«Жаңақорған аудандық архиві» филиалының ақпараттық-технологиялар
инспекторы

30 қыркүйек 2023 ж. 416 0