ЕЛДІК МӘСЕЛЕНІ ЕКШЕДІ
Жаңа Президент Қасым - Жомарт Тоқаев өзінің сөзінде еліміздің әрі қарайғы дамуының бағытын белгілеп, нақты жоспарларымен бөлісті. Соның бірі бүгін өзім куә болған мемлекет басшысын ұлықтау рәсімінде оның “Сайлау нәтижесін халқымыздың саяси бағдарыма – бағасы, алдағы жоспарыма – батасы деп қабылдаймын. Халқының қолдауына ие болып, ел тізгінін ұстау – ер азамат үшін ең биік мәртебе әрі орасан зор жауапкершілік. Алдағы 7 жылды бүгінгі буынның және келешек ұрпақтың алдындағы борышымды өтеуге берілген бірегей мүмкіндік деп білемін. Қазақта «Аманат» деген асыл ұғым бар. Халқымның сенімі – маған аманат. Осы аманатқа адал болу – мен үшін қасиетті парыз. Ел үмітін ақтап, Қазақстанды өркендеген, бақуатты мемлекетке айналдыру үшін қолымнан келгеннің бәрін жасаймын” деген сөзі ел сенімін еш нәрсемен өлшеу мүмкін еместігін және халықтың сенімі ең құнды нәрсе екенін аңғартқандай.Арман Мажитов
Аудандық “AMANAT” партиясының атқарушы хатшысы
