Түнгі рейд жұмыстары жүргізілді

Бүгін Жаңақорған кентіне қарасты учаскелік полиция қызметкері, А.Төлешов, Жаңақорған ауданы Ішкі саясат бөлімінің “Жастар ресурстық орталығы” КММ аға кеңесшісі М.Құлмырзаев пен Жаңақорған аудандық Жастар Рухы жастар қанатының жетекшісі А.Құлтаспен бірлесе отырып аудандағы түнгі рейдтік шаралар жүргізілді.

Шараның басты мақсат-кәмелетке толмағандар арасында қылмыспен құқықбұзушылықтың алдын алу,түнгі уақыттарда ата-анасынсыз үй-жайларынан тыс жерлерде- мейрамханаларда болуларына тыйым салу, бала тәрбиесіне немқұрайлылық танытатын ата-аналарды анықтап, тиісті шаралар қолданатындығын түсіндіру.

Бекітілген жоспарға сәйкес жүргізілген түнгі рейд барысында кәмелетке толмағандарға үй-жайынан тыс жерде заңды өкілдерінсіз жүруге болмайтындығы айтылып,түсіндірме жұмыстары жүргізілді.