Мас күйінде көлік құралын басқарғаны үшін әкімшілік қамақа алынды

       Жалпыға белгілі қазіргі қоғамда қызу пікір талас тудыратын өзекті мәселелердің бірі – ол жүргізушілердің мас күйінде көлік құралын жүргізу болып табылады.

      Сөзімізге түрткі болған оқиға Жаңақорған ауданының тұрғыны О есімді азамат аудандық соттың қаулысымен Қазақстан Республикасының Әкімшілік құқық бұзушылық туралы кодексінің 608-бабы 1-бөлігімен кінәлі деп танылып, 15 тәулік әкімшілік қамаққа алынып, көлік құралын басқару құқығынан 7 жыл мерзімге айырылды.

       Ол Жаңақорған Шалқия тас жолының бойында автокөлігін алкогольді масаң күйінде басқарған.

      Медициналық куәландырудың қорытындысына сәйкес, ол орта дәрежеде алкогольдік масаң күйде болған. Енді ащы судан ұрттап, ішімдікке сылқия тойып алған жүргізушілердің жол бойында сайран салуына  жол берілмейді. Қазіргі қоғамда маскүнемдік пен арақ ішу ең басты проблема болып табылары сөзсіз.

       Соның ішінде осы мас күйінде көлік жүргізгендердің саны күн санап артып келетіні шындық. Қай-қай кезде де ең алғашқы тәрбие отбасынан басталады десек, ең алдымен әрбір ата-ана баласының тәрбиесіне жете көңіл бөлуі, ал соның ішінде автокөлік жүргізетін балалары барлар одан да жете бала тәрбиесіне қатты мән берулері керек деп есептейміз.

      Жалпы сау жүрсең, сақ жүрерсің, тек жүрсең, тоқ жүресің демекші, есірген мастықпен көлік жүргізудің арты қашанда болмасын қайғылы аяқталатыны сөзсіз ақиқат болып табылады.

         Ақпарат: Жаңақорған аудандық сотының баспасөз қызметі.