№63 (8567) 9

09 тамыз 2022 ж.

№62 (8566) 6

06 тамыз 2022 ж.

№61 (8565) 2

03 тамыз 2022 ж.

Жаңалықтар мұрағаты

«    Тамыз 2022    »
ДсСсСрБсЖмСбЖс
1234567
891011121314
15161718192021
22232425262728
293031 
» » Ән әлемінің батырын өмірге әкелген анаға құрмет көрсетілді

Ән әлемінің батырын өмірге әкелген анаға құрмет көрсетілді


Бүгін қала әкімі А.Шәменов қалалық мәслихаттың хатшысы И.Құттықожаевпен бірге қазақ музыкасын әлемге танытқан әнші-композитор, Қазақстанның Еңбек сіңірген қайраткері, БҰҰ-ның Қазақстандағы тұңғыш ізгі ниет елшісі Батырхан Шүкеновтің анасы Дилара Шүкенованың шаңырағына барып, 70 жылдан аса уақыт қала тұрғыны болып табылатын абзал ананың 85 жасымен және ұлы Батырхан Камалұлының ел көлемінде аталып өткелі жатқан 60 жылдық мерейтойымен құттықтады.

– Аға ұрпақтың елге сіңірген еңбегі, қоғамды алға жылжытуға қосқан үлесі текке кеткен жоқ. Осынау ұлы істердің басы-қасындағы ағаларымыздың қолдаушысы, тірегі – Сіз сияқты аналарымыз болғанын білеміз. Сіз де еңбектен шет қалмай, ошақтың отын маздатып, ұрпақты отансүйгіштікке, адамгершілікке тәрбиеледіңіз.


Туғанына 60 жыл толған Батырханыңыздың қазақ музыка өнеріндегі орны, эстраданың тұтас дәуірін құраған еңбегі ешқашан жадымыздан өшпейді. Өйткені, хас таланттың қашан да бәсі бөлек. Қазақстандықтардан бөлек оны Ресей, кешегі одақтас мемлекеттердің де әнсүйер қауымы өз перзентіндей көріп, ерекше құрметтейді, – деп лебізін білдірген қала әкімі Асылбек Өмірбекұлы Дилара Ибрагимқызына Сыр жұртшылығы атынан арнайы сый-тарту жасады.
17 мамыр 2022 ж. 193 0