Бірлік күні Қызылорда өңірінде аға буын өкілдері мен жастар Тұңғыш Президент саябағына келіп, түрлі көшет отырғызды.

Игі іс-шараға зиялы қауыммен бірге облыс әкімі Нұрлыбек Нәлібаев қатысып, жастарға сүйікті қала Қызылорданы жасыл-желекке айналдыру ортақ мақсат екенін жеткізді. Сондай-ақ, тұрақтылық пен татулық бірліктің басты құндылықтары екенін еске салды.

Саябақ алаңын жасыл желекке көмкерген жастар ардагерлермен бірге түрлі көшеттер мен өмір ағашын (туя), отырғызды.
Айта кетейік, әр апта сайын қызылордалықтар экологиялық акцияға үн қосып, қала тазалығына белсенді түрде атсалысып келеді.