Бақыт балалы үйге қонады

Ананың мойнына жүктелген ауыр жүк – ана болу. Көп балалының анасы болу нағыз ерлікке татиды. Көп балалы ана болу мына нарықтық заманда оңай емес. Осы ретте,ауданымыздағы көп балалы аналарымыздың хал-жағдайлары қалай, қандай жағдайда бала тәрбиелеп отырғандығын, мемлекет тарапынан көрсетілетін көмектер қаншалықты деңгейде және "Nur Otan" партиясы Жаңақорған ауданы бойынша сайлауалды бағдарламасының. осы бағыттағы жұмысының жүзеге асырылуы бойынша атқарылып жатқан жұмыстармен танысу үшін, жақында "Халықты жұмыспен қамту орталығы" мекемесінде болып қайттық.
"Еңбек" бағдарламасы аясында ауданымызда көптеген көп балалы аналар жеңілдіктер алған екен. Әйтседе сол азаматшалардың шынайы жұмыстарымен танысу үшін Жаңақорған кентінің тұрғыны Мұсатаева Айсұлу Полатханқызының отбасында болып, кәсібімен таныстық. Көпбалалы ана санаты ретінде бағдарламаға қатысып, мемлекет тарапынан 100 тауық,8 қораз алып, өз мақсатын жетілдіру үшін жұмыс жасап отырған Айсұлу Мұсатаева бұл кәсіптің сәл қиындығы болса да, төзу қажеттілігін, сондай - ақ "Құс шаруашылығын дамыту бағытында" бастаған жұмысын әрі қарай күрделендіру жоспарында бар екендігін де жасырған жоқ. 7 айдың көлемінде жүргізген жұмысының сапасын көріп, бізде бақыт балалы үйге қонады екен деген ой түйіп, істеріне берекет берсін деген ізге ниетпен қайттық.
Тілеубергенова Әсемкүл Манапқызы
"Nur Otan" партиясы Жаңақорған аудандық филиалы фракциясының жетекшісі, аудандық кітапхана директоры