Қазақстанда 42 градусқа дейін аптап ыстық болады

Қазгидромет алдағы үш күнге ауа райы болжамын жариялады.  

Қазақстанның көптеген өңірінде температуралық фон жоғарылайды деп күтілуде. Бұл Иран аймағынан келетін жылы және құрғақ ауа массаларының қозғалысына байланысты.«Республиканың батысында шілде айының басында найзағай ойнап, қысқа мерзімді жауын-шашын болады. Бұл ауа темпертурасына ықпал етеді. Түнде 17-22, күндіз 27-35 градусқа дейін ыстық болады», – делінген хабарламада. Республиканың солтүстігінде, шығысында және орталығында ауа температурасы түнде плюс 15-22, күндіз 30-38 градус ыстық болады деп болжанып отыр.  
Оңтүстік өңірлерде әлі де құрғақ және ыстық ауа райы қалыптасады. Түнде 20-25, күндіз 35-42 градус ыстық болады.