Сот қызметкері байқау жеңімпазы

Қазақстан Республикасы Тәуелсіздігінің 30 жылдығы аясында 31-мамыр Саяси қуғын-сүргін құрбандарын еске алу күніне орай Жаңақорған ауданы ішкі саясат бөлімінің «Жастар ресурстық орталығы» КММ-нің қолдауымен «Ашық Азаматтық Қоғам» ақпараттық ресурстық орталығының ұйымдастыруымен «Алаш қайраткерлері» тақырыбында үздік пост, үздік мақала, үздік арнау 25-30 мамыр аралығында онлайн бауқауы өткізілді.
Аталған байқауға аудандық соттың жетекші маманы М.Дәріқұлов қатысып, «Ел есінде мәңгі қалған асыл тұлға-Темірбек Жүргенов» атты тақырыбында мақаласын ұсынды.
Байқау нәтижесі бойынша әріптесіміз М.Дәріқұлов «Алаш қайраткерлері» атты үздік мақала байқауында үздік деп танылып ІІІ орынға ие болды және диплом мен бағалы сыйлықпен марапатталды.
Әріптесіміз М.Дәріқұлов біліктілігі мен іскерлігін орайлы ұштастыра отырып, осындай қоғамдық жұмыстарға белсене араласып, сүбелі үлесін аянбай қосып келеді. Оған ақ ниетпен қартаймас жайдары көңіл, мәнді де мағыналы өмір, жемісті еңбек пен сарқылмас қуат тілейміз.

Жаңақорған аудандық сотының баспасөз қызметі