2017 жылы жарамдылық мерзімі өтіп кеткен, талаптарға сай келмейтін 11 тонна өнім мен азық-түлік Астанадағы сауда орталықтарынан алынып тасталды. Бұл туралы Астана қалалық инвестициялар және даму басқармасының басшысы Әлішер Әбдіқадыров айтты, деп хабарлайды Baq.kz ақпарат агенттігі.

«2017 жылы 11 тонна өнім саудадан алынды, оның ішінде азық-түлік те бар. Олардың 10 мың килограмы - құс асырау кәсібінің өнімдері. Бұлар мерзімі өтіп кеткен, белгісі мен құжаттары жоқ азық-түліктер. 93 кг құс өнімдері жойылды. 2018 жылдың бірінші тоқсанында 631 өнімнің сынамасы алынды. ЕАЭО - 443 және үшінші деңгейлі мемлекеттердікі - 187. Олардың 21 проценті талапқа сай болмады. 20 процент жағдайда тұтынушыларды алдау фактісі тіркелген», - дейді Әбдіқадыров мәслихат отырысында.