Жаңақорған аудандық сотымен серіктестік лицензиясынан айырылды

Жаңақорған аудандық сотымен серіктестік лицензиясынан айырылды
          Жаңақорған аудандық сотында 3 сәуір 2018 жылы құқық бұзушы «Береке» ЖШС-не қатысты Қазақстан Республикасы ӘҚБтК-нің 464 бабының 2 бөлігімен әкімшілік іс қаралды.
          Істің мән-жайына сәйкес, құқық бұзушы «Береке» ЖШС-гі құрылыс-монтаждау жұмыстарымен айналысу үшін лицензия беру туралы Қызылорда облысының сәулет-құрылыс бақылау басқармасына 16 ақпан 2018 жылы өтініш жолдап, ұсынған материалдық-техникалық ресурстары туралы мәліметте жалға алған техникаларын көрсетіп, оның ішінде «Шиелі-Жолшы» ЖШС-нен 4 желтоқсан 2017 жылғы №04/12 шарт негізінде 12 дана құрылыс техникаларын жалға алғанын көрсеткен. Өтінішке сәйкес, 28 ақпан 2018 жылғы басқарманың лицензиялау комиссиясы отырысының және басқарма басшысының бұйрығымен «Береке» ЖШС-не құрылыс-монтаждау жұмыстарымен айналысу үшін ІІІ-санаттағы № 18004404 мемлекеттік лицензиясы берілген. Алайда, аталған мән-жайларды нақтылау мақсатында жүргізілген жұмыстардың нәтижесінде көрсетілген серіктестіктер арасында ещқандай жалға беру келісім шарты жасалмағаны, яғни лицензиаттың лицензия алған кезде көрінеу анық емес ақпарат беріп, «Береке» ЖШС-і Қазақстан Республикасы ӘҚБтК-нің 464 бабының 2 бөлігінде көрсетілген әрекеттер жасағаны анықталған.
          Сот қаулысымен құқық бұзушы «Береке» ЖШС-і Қазақстан Республикасы ӘҚБтК-нің 464 бабының 2 бөлігімен кінәлі деп танылып, оған осы баппен құрылыс-монтаждау жұмыстарымен айналысу үшін ІІІ-санаттағы мемлекеттік лицензиясынан айыра отырып, 100 айлық есептік көрсеткіш мөлшерінде 240 500  теңге айыппұл салынды.
          Қаулы заңды күшіне енбеген.
          Ақпарат: Жаңақорған аудандық сотының маманы А.Нысанбаева.