Жаңа оқу жылына жан-жақты әзірлік
Облыс әкімі Гүлшара Әбдіқалықова БАҚ өкілдеріне арнап жаңа оқу жылына дайындық шаралары бойынша баспасөз конференциясын өткізді. Аймақ басшысы өңірдегі білім беру мекемелерінің оқу жылына дайындығы мен қашықтан оқыту форматына қатысты қолға алынып отырған шаралар жөнінде баяндады.
Айталық, биыл облыстағы 293 мектепте 168 мыңнан аса оқушы білім алады деп күтілуде. Оның ішінде 1-сыныпқа 18 789 бала қабылданады. Өңірдегі оқушылардың 83%-і, яғни 163 491 оқушы бірінші тоқсанды қашықтан оқумен бастайды. Ал, аудан орталығынан шалғай орналасқан және шағын жинақталған 50 мектепте 4986 оқушы барлық санитарлық талаптарға сай штаттық режимде оқитын болады.
Облыс басшысы қашықтан оқыту кезінде мектеп оқушылары мен ұстаздарды электронды құрылғылармен қамтамасыз ету мәселесі шешімін тапқанын атап өтті.
– Жаңа оқу жылы қарсаңында оқушылардың компьютер, планшет, ноутбук, смартфондармен қамтылуына талдау жасалып, жетіспейтін құралдар бірінші кезекте, мектеп балансындағы техникаларды беру арқылы, екінші, жергілікті жерде демеушілердің қолдауымен шешімін тауып отыр. Бүгінгі күні республикалық бюджет есебінен 22 мыңнан аса компьютерлік техниканы сатып алуға 3,5 млрд теңге қаржы бөлінуде. Сонымен бірге, жергілікті бюджет есебінен 2635 планшет алуға 176 млн теңге бөлінуде, – деді облыс әкімі.
Оқу жылының алғашқы тоқсаны қашықтан оқыту форматында өтуіне байланысты оқушылармен қатар ұстаздарға да электронды құрылғылар табысталатын болады. Аса қажеттілігіне қарай, мектеп балансындағы компьютерлерден бөлек, 306 педагогқа ноутбук беріледі.
Биылғы оқу жылында мектеп құрылыстары да қарқынды жүруде. Облыс әкімі бұл мәселеге де арнайы тоқталды.
Нақты айтар болсақ, қазіргі таңда өңірде 8 мектептің құрылысы жүргізілуде. Осы жылы Қызылорда қаласынан және Жалағаш ауданынан 2 мектеп ғимараты пайдалануға берілмек. Сондай-ақ, 4 мектептің құрылысы жүріп жатыр. Оның ішінде Қызылорда қаласынан 600 орындық, Арал ауданы, Сексеуіл кентіндегі 300 орындық мектептердің құрылысы жыл соңында аяқталады деп жоспарланып отыр.
Өңір басшысы журналистер тарапынан қойылған сауалдарға жауап берді. Онда оқушылардың оқулықтармен қамтамасыз етілуі, бастауыш сыныптарды оқыту форматы, мектептерде балалардың қауіпсіздігі, яғни, бейнекамералар орнату, балалар әжетханасын мектеп ішіне кіргізу жайында бірқатар мәселелер айтылды.
– Бала қауіпсіздігін сақтауға барлығымыз міндеттіміз. Бұл мақсатта мектептерге жаңа талаптарға сай сапалы бейнекамералар орнату үшін облыстық бюджеттен 250 млн теңге қаржы бөлінді. Бүгінгі таңда бейнекамералар 70 мектепке орнатылды. Әрине, бұл бірден шешілетін мәселе емес, әрі көп қаражатты қажет етеді. Сондықтан бұл жұмыстар кезең-кезеңімен жалғасын табады. Сонымен бірге, бүгінде балалар қауіпсіздігін қамтамасыз ету үшін салааралық арнайы іс-шара жоспары бекітілді. Бұл ата-аналармен, оқушылармен тығыз байланыса отырып, жүйелі жұмыс жүргізуге жол ашады, – деді облыс әкімі.
Жиын соңында аймақ басшысы қазіргі пандемия жағдайында балалардың қауіпсіздігі үшін ата-аналарды үй жағдайында сақтық шараларына барынша мән беруге шақырды.
Айталық, биыл облыстағы 293 мектепте 168 мыңнан аса оқушы білім алады деп күтілуде. Оның ішінде 1-сыныпқа 18 789 бала қабылданады. Өңірдегі оқушылардың 83%-і, яғни 163 491 оқушы бірінші тоқсанды қашықтан оқумен бастайды. Ал, аудан орталығынан шалғай орналасқан және шағын жинақталған 50 мектепте 4986 оқушы барлық санитарлық талаптарға сай штаттық режимде оқитын болады.
Облыс басшысы қашықтан оқыту кезінде мектеп оқушылары мен ұстаздарды электронды құрылғылармен қамтамасыз ету мәселесі шешімін тапқанын атап өтті.
– Жаңа оқу жылы қарсаңында оқушылардың компьютер, планшет, ноутбук, смартфондармен қамтылуына талдау жасалып, жетіспейтін құралдар бірінші кезекте, мектеп балансындағы техникаларды беру арқылы, екінші, жергілікті жерде демеушілердің қолдауымен шешімін тауып отыр. Бүгінгі күні республикалық бюджет есебінен 22 мыңнан аса компьютерлік техниканы сатып алуға 3,5 млрд теңге қаржы бөлінуде. Сонымен бірге, жергілікті бюджет есебінен 2635 планшет алуға 176 млн теңге бөлінуде, – деді облыс әкімі.
Оқу жылының алғашқы тоқсаны қашықтан оқыту форматында өтуіне байланысты оқушылармен қатар ұстаздарға да электронды құрылғылар табысталатын болады. Аса қажеттілігіне қарай, мектеп балансындағы компьютерлерден бөлек, 306 педагогқа ноутбук беріледі.
Биылғы оқу жылында мектеп құрылыстары да қарқынды жүруде. Облыс әкімі бұл мәселеге де арнайы тоқталды.
Нақты айтар болсақ, қазіргі таңда өңірде 8 мектептің құрылысы жүргізілуде. Осы жылы Қызылорда қаласынан және Жалағаш ауданынан 2 мектеп ғимараты пайдалануға берілмек. Сондай-ақ, 4 мектептің құрылысы жүріп жатыр. Оның ішінде Қызылорда қаласынан 600 орындық, Арал ауданы, Сексеуіл кентіндегі 300 орындық мектептердің құрылысы жыл соңында аяқталады деп жоспарланып отыр.
Өңір басшысы журналистер тарапынан қойылған сауалдарға жауап берді. Онда оқушылардың оқулықтармен қамтамасыз етілуі, бастауыш сыныптарды оқыту форматы, мектептерде балалардың қауіпсіздігі, яғни, бейнекамералар орнату, балалар әжетханасын мектеп ішіне кіргізу жайында бірқатар мәселелер айтылды.
– Бала қауіпсіздігін сақтауға барлығымыз міндеттіміз. Бұл мақсатта мектептерге жаңа талаптарға сай сапалы бейнекамералар орнату үшін облыстық бюджеттен 250 млн теңге қаржы бөлінді. Бүгінгі таңда бейнекамералар 70 мектепке орнатылды. Әрине, бұл бірден шешілетін мәселе емес, әрі көп қаражатты қажет етеді. Сондықтан бұл жұмыстар кезең-кезеңімен жалғасын табады. Сонымен бірге, бүгінде балалар қауіпсіздігін қамтамасыз ету үшін салааралық арнайы іс-шара жоспары бекітілді. Бұл ата-аналармен, оқушылармен тығыз байланыса отырып, жүйелі жұмыс жүргізуге жол ашады, – деді облыс әкімі.
Жиын соңында аймақ басшысы қазіргі пандемия жағдайында балалардың қауіпсіздігі үшін ата-аналарды үй жағдайында сақтық шараларына барынша мән беруге шақырды.
