Коронавирусқа байланысты ҰБТ жаңа жағдайда өтеді
Он бір күннен кейін мектеп түлектерінің он бір жыл алған білімдерін саралайтын ұлттық бірыңғай тестілеу басталады. Коронавирусқа байланысты ҰБТ жаңа жағдайда өтеді. Яғни талапкерлер карантиндік талаптарды сақтай отырып, тест тапсырады.
Биыл 17-ші рет өткізілетін ҰБТ форматы өзгертілген жоқ. Елдің бас ұстазы Асхат Аймағамбетовтің жасаған соңғы мәлімдемесінде, тестілеу 5 пән бойынша қағаз түрінде, яғни 3 міндетті және 2 бейіндік пән бойынша өткізілетіні айтылды. Барлық тест тапсырмасының саны – 120, ең жоғары балл – 140.
– Осы жылы ҰБТ-ға қатысу үшін 111 мың түлек өтініш білдірді, өткен жылмен салыстырғанда 11 процентке жоғары. ҰБТ-ға қатысу үшін барлығы 131 755 өтініш тіркелді, оның ішінде 110 678 өтініш онлайн форматта және 21 077 өтініш қабылдау пункті арқылы тіркелді. ҰБТ бекітілген мерзімде санитарлық-эпидемиологиялық талаптарды қатал сақтау арқылы 161 пункт базасында өткізіледі, – деді министр.
Биыл ҰБТ тапсыру ережесіне енгізілген жаңашылдықтарға тестілеуге қатысу үшін құжаттарды онлайн тапсыруды және кіру кезінде бет-әлпетін тану көмегімен (Face ID) тұлға сәйкестендіруді жатқызуға болады, сондай-ақ ҰБТ электрондық сертификатын және білім беру грантын тағайындау туралы электрондық куәлікті енгізілді. Көрсетілген сертификаттарға ие тұлғалар ҰБТ тапырудан босатылады және білім беру грантын тағайындау конкурсына қатыса алады. Академиялық кезең аяқталғанға дейін қабылданған, ҰБТ шектік балын жинамаған түлектер қайтадан ҰБТ тапсыру мүмкіндігіне ие.
Ең алдымен мектеп бітірушілер қатаң санитарлық нормаларды сақтауы тиіс. Яғни аудиторияларда әлеуметтік ара қашықтықты сақтау және маска кию міндетті. Желдету және ауаны зарарсыздандыру жүйесі қамтамасыз етіледі. ҰБТ өткізу пунктеріне кіретін жерде дезинфекциялық тоннельдер мен тепловизорлар орнатылады. Түлектер үшін тыйым салынған заттар туралы талап қатаңдатылды. Егер бұған дейін абитуриенттен тыйым салынған зат табылса, ол тестілеуге қатыса беретін, ал 2020 жылдың қаңтарынан бастап оқушы емтиханға кіргізілмейді. Ал ҰБТ тапсырып жатқан кезде тыйым салынған затпен ұсталса, тестілеу нәтижесі жойылады. Министрлік осындай ақпар таратты.
Биыл шекті балл қанша болады? Педагогикалық мамандықтарға түсу үшін – 70 балл, ұлттық жоғары оқу орындарына немесе медициналық мамандықтарға – 65 балл, агроөнеркәсіп кешені мамандықтарына – 60 балл, қалған жоғары оқу орындарына – 50 балл.
ҰБТ-ға қандай сұрақтар енбейді? Бұған да толыққанды жауап бар. Яғни 11-сыныптағы төртінші тоқсан бағдарламасының сұрақтары тестке енгізілмейді. Оқушылар төртінші тоқсанды толығымен қашықтан оқығандықтан, оларға жеңілдік жасалынып отыр.
Сондай-ақ түлектерге тест тапсыру орындарында калькуляторлар берілетін болады және тестілеу уақыты 3 сағат 50 минуттан 4 сағатқа өзгереді. Бұған қоса, ата-аналарға және басқа алып жүруші тұлғаларға балаларды ҰБТ өткізу пункттерінде күтуге тыйым салынады. «Ата-аналарға ҰБТ өткізу барысын қарау үшін онлайн таратылым жасалады. ҰБТ өткізу пункттері баррикадалық ленталармен қоршалады. ҰБТ өткізу пункттеріне кіру тәртібі тестіленушілердің арасында 2 метр қашықтық сақталуын қамтамасыз етеді.
Биылғы ҰБТ-ға енгізілген өзгерістер осындай. Жаңақорғандағы талапкерлер туралы аудандық білім бөлімінің бас маманы Ардақ Рыспанбетова тарқата айтты.
– Биыл аудан бойынша 653 түлек тестке қатысады. Яғни мектеп бітірушілердің 81 проценті білімін сынайды. Ауданда тестілеу 24, 25 және 26 маусым аралығында өтеді. Талап етілгендей, оқушылар барлық санитарлық шараларды қатаң сақтауы тиіс, – деді ол.
Жаңақорған ауданының түлектері ҰБТ қорытындысы бойынша жылда жақсы көрсеткіш көрсетіп келеді. Биыл да жоғары деңгейде көрінуге мүмкіндік көп. Оған соңғы жылдары білім саласына жасалған қамқорлықтың септігі тиетіні ақиқат...
Әли ТЕМІРБЕК
Биыл 17-ші рет өткізілетін ҰБТ форматы өзгертілген жоқ. Елдің бас ұстазы Асхат Аймағамбетовтің жасаған соңғы мәлімдемесінде, тестілеу 5 пән бойынша қағаз түрінде, яғни 3 міндетті және 2 бейіндік пән бойынша өткізілетіні айтылды. Барлық тест тапсырмасының саны – 120, ең жоғары балл – 140.
– Осы жылы ҰБТ-ға қатысу үшін 111 мың түлек өтініш білдірді, өткен жылмен салыстырғанда 11 процентке жоғары. ҰБТ-ға қатысу үшін барлығы 131 755 өтініш тіркелді, оның ішінде 110 678 өтініш онлайн форматта және 21 077 өтініш қабылдау пункті арқылы тіркелді. ҰБТ бекітілген мерзімде санитарлық-эпидемиологиялық талаптарды қатал сақтау арқылы 161 пункт базасында өткізіледі, – деді министр.
Биыл ҰБТ тапсыру ережесіне енгізілген жаңашылдықтарға тестілеуге қатысу үшін құжаттарды онлайн тапсыруды және кіру кезінде бет-әлпетін тану көмегімен (Face ID) тұлға сәйкестендіруді жатқызуға болады, сондай-ақ ҰБТ электрондық сертификатын және білім беру грантын тағайындау туралы электрондық куәлікті енгізілді. Көрсетілген сертификаттарға ие тұлғалар ҰБТ тапырудан босатылады және білім беру грантын тағайындау конкурсына қатыса алады. Академиялық кезең аяқталғанға дейін қабылданған, ҰБТ шектік балын жинамаған түлектер қайтадан ҰБТ тапсыру мүмкіндігіне ие.
Ең алдымен мектеп бітірушілер қатаң санитарлық нормаларды сақтауы тиіс. Яғни аудиторияларда әлеуметтік ара қашықтықты сақтау және маска кию міндетті. Желдету және ауаны зарарсыздандыру жүйесі қамтамасыз етіледі. ҰБТ өткізу пунктеріне кіретін жерде дезинфекциялық тоннельдер мен тепловизорлар орнатылады. Түлектер үшін тыйым салынған заттар туралы талап қатаңдатылды. Егер бұған дейін абитуриенттен тыйым салынған зат табылса, ол тестілеуге қатыса беретін, ал 2020 жылдың қаңтарынан бастап оқушы емтиханға кіргізілмейді. Ал ҰБТ тапсырып жатқан кезде тыйым салынған затпен ұсталса, тестілеу нәтижесі жойылады. Министрлік осындай ақпар таратты.
Биыл шекті балл қанша болады? Педагогикалық мамандықтарға түсу үшін – 70 балл, ұлттық жоғары оқу орындарына немесе медициналық мамандықтарға – 65 балл, агроөнеркәсіп кешені мамандықтарына – 60 балл, қалған жоғары оқу орындарына – 50 балл.
ҰБТ-ға қандай сұрақтар енбейді? Бұған да толыққанды жауап бар. Яғни 11-сыныптағы төртінші тоқсан бағдарламасының сұрақтары тестке енгізілмейді. Оқушылар төртінші тоқсанды толығымен қашықтан оқығандықтан, оларға жеңілдік жасалынып отыр.
Сондай-ақ түлектерге тест тапсыру орындарында калькуляторлар берілетін болады және тестілеу уақыты 3 сағат 50 минуттан 4 сағатқа өзгереді. Бұған қоса, ата-аналарға және басқа алып жүруші тұлғаларға балаларды ҰБТ өткізу пункттерінде күтуге тыйым салынады. «Ата-аналарға ҰБТ өткізу барысын қарау үшін онлайн таратылым жасалады. ҰБТ өткізу пункттері баррикадалық ленталармен қоршалады. ҰБТ өткізу пункттеріне кіру тәртібі тестіленушілердің арасында 2 метр қашықтық сақталуын қамтамасыз етеді.
Биылғы ҰБТ-ға енгізілген өзгерістер осындай. Жаңақорғандағы талапкерлер туралы аудандық білім бөлімінің бас маманы Ардақ Рыспанбетова тарқата айтты.
– Биыл аудан бойынша 653 түлек тестке қатысады. Яғни мектеп бітірушілердің 81 проценті білімін сынайды. Ауданда тестілеу 24, 25 және 26 маусым аралығында өтеді. Талап етілгендей, оқушылар барлық санитарлық шараларды қатаң сақтауы тиіс, – деді ол.
Жаңақорған ауданының түлектері ҰБТ қорытындысы бойынша жылда жақсы көрсеткіш көрсетіп келеді. Биыл да жоғары деңгейде көрінуге мүмкіндік көп. Оған соңғы жылдары білім саласына жасалған қамқорлықтың септігі тиетіні ақиқат...
Әли ТЕМІРБЕК
