Мемлекеттік рәміздер күніне орай рухты асқақтататын жиынға куә болдық
Рәміздер елдік нышанның ажырамас бөлігі. Расында елдің елдігін, мемлекеттің мәртебесін көтеретін рәміздер халықтың рухы мен айбынын ғана білдіріп қоймайды, әлемдік өркениет көшіндегі орны мен деңгейін көрсетеді. 4-маусым – Мемлекеттік рәміздер күніне орай рухты асқақтататын жиынға куә болдық.
Елдегі карантиндік жағдайға байланысты мәдени шара биыл кең көлемде аталып өтпеді. Аудан әкімдігінде өткен шараның шымылдығын аудан басшысы Сұлтан Мақашов ашып:
– Қазақстан – Туымен тұғырлы, Елтаңбасымен еңселі, Әнұранымен айбатты. Өздеріңізге белгілі, 1992 жылдың 4 маусымында Қазақстанның жаңа мемлекеттік рәміздері бекітілді. Ал 2007 жылы 4 маусымда «Қазақстан Республикасының Мемлекеттік рәміздері туралы» Конституциялық Заң қабылданды. Заңға сәйкес, 4 маусым – Қазақстанда Мемлекеттік рәміздер күні ретінде белгіленді. Мемлекеттік рәміздер – халқымыздың рухын, ұлттық салт-санасын, қаhармандығы мен даналығын болашаққа деген үмітін, арман-тілегін жеткізетін ерекше құндылық. Аудан халқын осынау ұлық мерекемен шын жүректен құттықтаймын, – деді.
Мұнан кейін Қазақстан Республикасы Президентінің 1999 жылғы 29 желтоқсандағы №319 Жарлығына сай «Мемлекеттік қызмет туралы» Қазақстан Республикасының Заңын іске асыру мақсатында мемлекеттік қызметшілер салтанатты түрде ант берді. Жайылма ауылдық округі аппаратының бас маманы Алиби Букеев пен мәдениет және тілдерді дамыту бөлімінің жетекші маманы Маржан Шынбаева Ата Заң алдында қызметке адалдық таныту жөнінде ант берді.
Жиын соңында қызметкерлер мерекемен бір-бірін құттықтап, тарқасты.
***
Аудан әкімдігі жанындағы Мемлекеттік рәміздер жөнінде аудандық комиссияның жоспарына сәйкес, алғашқы жиын онлайн түрде өткізілді. Аудандық денешынықтыру және спорт бөлімінің басшысы, Өзгент, Аққорған, Манап ауылдық округінің әкімдері, аудандық кітапхана директоры, Шалқия клуб үйінің директоры, №110 мектеп-лицейінің директоры онлайн түрде есеп берді.
Мемлекеттік рәміздер – елдіктің негізгі нышаны. Оны қазақстандықтар қастерлеуі парыз. Көк Туды көкте желбіретіп, Әнұранды әлем елдеріне паш ететін спортшылар рәміздерге зор құрметпен қарайтыны ақиқат. Соңғы жылдары жаңақорғандық спортшылар байрақты бәсекелерде ел абыройын асырып, мерейімізді үстем етіп жүр.
– Ауданда 64 дене шынықтыру ұжымы жұмыс жасайды. Оларда спорттың 26 түрімен 25558 адам тұрақты түрде шұғылданады. Бұл аудан халқының 30 процентін құрайды. Тұрғындарға қызмет көрсететін 336 ғимарат бар. Жалпы жыл басынан бері 58 спортшы облыс құрамында өнер көрсетсе, 9 спортшы ұлттық құрамада тер төгіп келеді. Биылғы жылдың нәтижесінде Азия чемпионатында 1 алтын, 2 күміс және 1 қола еншімізде бар. Жалпы спортшылар жеткен жетістік аз емес. Осындай рухты бойына сіңірген спортшылар мен бапкерлер мемлекеттік рәміздерге құрметпен қарайды, – деді денешынықтыру және спорт бөлімінің басшысы Махмұт Рахымжанов.
Сондай-ақ, ауылдық округ әкімдері атқарылып жатқан жұмыстарды, кітапхана мен мектепте өткізілген шаралар жөнінен ақпар берді.
Әлібек ЖАРЫҚБАЕВ
Елдегі карантиндік жағдайға байланысты мәдени шара биыл кең көлемде аталып өтпеді. Аудан әкімдігінде өткен шараның шымылдығын аудан басшысы Сұлтан Мақашов ашып:– Қазақстан – Туымен тұғырлы, Елтаңбасымен еңселі, Әнұранымен айбатты. Өздеріңізге белгілі, 1992 жылдың 4 маусымында Қазақстанның жаңа мемлекеттік рәміздері бекітілді. Ал 2007 жылы 4 маусымда «Қазақстан Республикасының Мемлекеттік рәміздері туралы» Конституциялық Заң қабылданды. Заңға сәйкес, 4 маусым – Қазақстанда Мемлекеттік рәміздер күні ретінде белгіленді. Мемлекеттік рәміздер – халқымыздың рухын, ұлттық салт-санасын, қаhармандығы мен даналығын болашаққа деген үмітін, арман-тілегін жеткізетін ерекше құндылық. Аудан халқын осынау ұлық мерекемен шын жүректен құттықтаймын, – деді.
Мұнан кейін Қазақстан Республикасы Президентінің 1999 жылғы 29 желтоқсандағы №319 Жарлығына сай «Мемлекеттік қызмет туралы» Қазақстан Республикасының Заңын іске асыру мақсатында мемлекеттік қызметшілер салтанатты түрде ант берді. Жайылма ауылдық округі аппаратының бас маманы Алиби Букеев пен мәдениет және тілдерді дамыту бөлімінің жетекші маманы Маржан Шынбаева Ата Заң алдында қызметке адалдық таныту жөнінде ант берді.
Жиын соңында қызметкерлер мерекемен бір-бірін құттықтап, тарқасты.
***
Аудан әкімдігі жанындағы Мемлекеттік рәміздер жөнінде аудандық комиссияның жоспарына сәйкес, алғашқы жиын онлайн түрде өткізілді. Аудандық денешынықтыру және спорт бөлімінің басшысы, Өзгент, Аққорған, Манап ауылдық округінің әкімдері, аудандық кітапхана директоры, Шалқия клуб үйінің директоры, №110 мектеп-лицейінің директоры онлайн түрде есеп берді.
Мемлекеттік рәміздер – елдіктің негізгі нышаны. Оны қазақстандықтар қастерлеуі парыз. Көк Туды көкте желбіретіп, Әнұранды әлем елдеріне паш ететін спортшылар рәміздерге зор құрметпен қарайтыны ақиқат. Соңғы жылдары жаңақорғандық спортшылар байрақты бәсекелерде ел абыройын асырып, мерейімізді үстем етіп жүр.
– Ауданда 64 дене шынықтыру ұжымы жұмыс жасайды. Оларда спорттың 26 түрімен 25558 адам тұрақты түрде шұғылданады. Бұл аудан халқының 30 процентін құрайды. Тұрғындарға қызмет көрсететін 336 ғимарат бар. Жалпы жыл басынан бері 58 спортшы облыс құрамында өнер көрсетсе, 9 спортшы ұлттық құрамада тер төгіп келеді. Биылғы жылдың нәтижесінде Азия чемпионатында 1 алтын, 2 күміс және 1 қола еншімізде бар. Жалпы спортшылар жеткен жетістік аз емес. Осындай рухты бойына сіңірген спортшылар мен бапкерлер мемлекеттік рәміздерге құрметпен қарайды, – деді денешынықтыру және спорт бөлімінің басшысы Махмұт Рахымжанов.
Сондай-ақ, ауылдық округ әкімдері атқарылып жатқан жұмыстарды, кітапхана мен мектепте өткізілген шаралар жөнінен ақпар берді.
Әлібек ЖАРЫҚБАЕВ
