«Egemen Qazaqstan» газетінің ке­зек­ті санында жарияланған Елбасы ма­қа­ласымен толық танысып шықтым. Мақалада еліміздің індетпен күреске ең алғашқылардың бірі болып кіріскенін атап өтті. Әрі қазақ елін ортақ іске ұйысып, қатерді еңсеруге шақырды.

Карантин деп еңсеміз езілген еді, мақаланы оқып қайта тіктелді. Ендігі кезек жастардың қолында, біз тек тілекшіміз.
«Қазақстан қауіпті дерттің алдын алуға әлем елдерінің ең алғашқыларының бірі болып кірісті. Тиісті сақтандыру шаралары жасалды. Мемлекеттік органдар арнаулы дайындықтан өткізілді. Өзге елдерде вирус қалай пайда болып, пандемия қалай өрбіп, өршігені бақыланды. Соның нәтижесінде індеттің етек алып кетуіне мүмкіндігінше жол берілмей, ахуал күн сайын тұрақты назарда ұсталып отыр», делінген Елба­сының мақаласында.
Көшбасшы партияның төрағасы Нұрсұлтан Назарбаев мемлекет тара­пынан жер-жерде атқарылып жатқан жұмыстарға бүкіл халық болып қолдау көрсетуге шақырды. Мұндай бастаманы Жаңақорғандағы нұротандықтар абырой­мен атқаруға дайын. Қысқасы, Елбасының мақаласы қысылтаяң шақта бізге жасалған үлкен қолдау деп білемін.